Klaus Maria Dechant

Enn Owend im Swingerclub

Isch bin Swinger liewe Leit
Des bekenn isch hier unn heit
Doch, was eisch bewusst sei muss
Nett immer kummt än Monn zum Schuss.

Am Samstag warn mei Fraa unn isch
In ennem Club – isch hibbelisch
Vorher drei Viagra gnumme
Ma will jo grad net sei de Dumme.

Mit moim Ständer laaf isch ei
Heests an de Baar – „darfs Sektchen sein“.
Isch kipp die Plörre grad so nunner -
In moinre Hos herrscht Blitz un Dunner.

Mei Fraa die regt sisch uff wie bleed
Wieviel isch widder drinke det
Bestellt sich selbscht än Aperol
Damit de Kopp a werd schä hol.

Isch rach noch ä Zigarett
Mim Pärle newedro wird nett gered
Der Aperol werd langsam leer
Isch her die Matte schreie – „Kerl kumm her!“

Doch mei Fraa will weiderschwetze
Vumm Getier und vumm Gehetze
Die sie hot im Geschäft die Woch
In moinre Hos is bald ä Loch.

In dem moment – gott dunnerkeil
Kummt ä blond Granat geeilt.
Körbchengröße Ge  bis Ha
Moi Viagras merkes a.

Priapismus nennt ma des
Wenn in de Hos än Haufe Stress
Unn des dut weh, des glabt ihr mir
Die Alt schwätzt weider vumm Getier.

Moi Aache klebe an de Titte
Nach guter alter Väter Sitte
Doch kaum bin isch mim Kopp beim ficke
Dreht sisch moi Fraa rum – „Des konnsch knicke!“

„Seit wonn stehsch Du uff Silikon
Dess iss jo wohl de blanke Hohn.
Mir verzählsch die gonze Zeit
Du stehsch nett uff des Plastischzeig!“

Sie hot jo rescht so generell
Isch bin än Fan vunn naturell
Doch es zählt de Acheblick
Wenn disch die Viagra zwickt.

Wenns unnerm Bauch geht nuff unn nunner
Unn Du kummsch nimmee rischtisch runner
Vunn dem blaue Pilletrip
Was det isch gewwe fär an Tipp.

Des Busewunner merkt ganz schnell
Nur wann sie geht, werds widder hell.
Des Gewitter hot sisch grad verzoche
Dut moi Fraa de Hunger blooche.

Sie brescht jetzt dringend was im Bauch
Doch sie määnt Esse, nett moin Schlauch
Also dun mir weiderschlabbe
Ins Bistro, uns Deller schnabbe.

Gulasch gibt’s unn weiße Kees
Unn mir wird grad schunn widder heeß
Do beim Dessert steht ä Klää
Mit ohne Brust und derre Bää.

Isch brauch a gar kä Wort zu saache,
platzt moinre Fraa de schääne Krache.
„Was willsch dann mit dem Rappelgestell?“
Die zwett Viagra wirkt zu schnell.

Isch merk, dass meine Manneshärte
werd zum Fluch für meine Gerte
umso schlimmer, weil ihr wisst
ä dritti Pill im Maache is.

Schnell jetzt noch des fünfte Bier
Isch hoff des kühlt misch wilden Stier.
Doch genau in dem Moment
Die dritt Pill dursch die Blutbahn rennt.

Unn es wird Lischt am Horizont
es is beschlosse un gebont
Mir deten jetzt mol gucke gehen
Uff de Matt die onnre sehn.

Die Luft is dick, moin Oskar a
Isch hoff, isch bin jetzt a mol dra.
Unn im Darkroom merk ischs ganz genau
Packt misch am Schwanz ä geili Sau

Viel siesch nett, des is jo klar
Die Hand, die packt misch feschter a
Isch dreh misch um un guck genau
In Ge bis Ha den Plastikbau.

Moi Fra die is jo a net bleed,
die merkt, was do grad vor sisch geht.
Im Dunkle packt se ziel genau
den Arm funn derre geile Sau.

Vor Schreck die Schwellung ist vorbei
Dafür dut weh des linke Ei
Des hot en Schade kriegt beim Löse
Vunn derre geile Plaschtikmöse.

Der Rundgang iss dann schnell vorbei
Die Uhr, die zeigt a halwer drei.
In moinre Hos konsch Fahne hisse -
Schwerer is es allerdings mim Pisse.

Moi Frau will dann a hämwärts fahre
Sie det jetzt die Schuh a blache.
Verspricht mir dann am Spint genau
„mir maches dann dehäm du Sau“.

Unn im Auto fängt se a
Ruwwelt mir de Schritt schä warm
Ä Hond am Lenkrad die onner lose
Fummelt se an moiner Hose.

Dobei vazehlt se mir adrett
„Es war heit obend widder nett“
Gut gegesse, nett geschwetzt
Moi Hos, die is bald durschgewetzt.

Mir sinn dehäm unn gehn ins Bett
Isch denk, jetzt werds jo doch noch nett
Do merk isch, wie de Alkohol
die blaue Pille überholt.

Isch wird grad mied jetzt wie die Sau
Mei linkes Ei ist a schunn blau.
Im Schritt do is jetzt nix mehr hart
Die Luft is raus unn isch bin platt.

Die Fraa, die merkt des meine Gute
Unn sucht nach moiner schlaffe Rute.
Sie hängt sisch noi – do regt sisch nix
Sie dreht sisch um unn des ganz fix.

„Des is nett schlimm“ sescht do moin Schatz
„Do hab isch in moim Bett mehr Platz.“
Mänt noch awwer leischt pikiert
Mit’re Viagra wär des net bassiert.